Baisukan ni Mama maharagu intalu papuyu masak asam. Sudah lawas  sidin kada maharugu masakan ni, makanya ulun kawa makan banyak.

Kabalurujuran iwak papuyu nang sidin tukar samalam baintalu barataan. Ganal-ganal iwaknya. Ada kalu dua puluh ikung, tamasuk sapat siam.

Baisukan ni kada barataan langsung sidin haragu. Disisai gasan isuk jar. Mun ulun ni himung tarusai. Asal masakannya nyaman.

Bahari haratan bagana di Jakarta kada suah tu pang makan papuyu di sana. Apang iwak papuyu dasar kadada di sana. Bahasa Indonesianya gin kada tahu. Manjalasakannya tuhuk.

Apalagi mun mancari intalunya, maginnya kakada. Makanya limbah sudah bagana di Astambul pulang, kawa bapuas makan iwak wan intalunya.